Beth nesaf?
Yn y tri chylchlythyr nesaf, fe fyddwn yn tynnu sylw at yr holl weithgareddau ledled Aber Afon Dyfrdwy a’r ardaloedd cyfagos y gallwch chi barhau i gymryd rhan ynddyn nhw pan fydd Caru Aber Dyfrdwy yn dod i ben ddiwedd mis Mehefin 2025. Byddwn hefyd yn rhannu’r cynnwys yma ar gyfryngau cymdeithasol felly gwnewch yn siŵr eich bod chi’n dilyn ein sianeli ni am ragor o wybodaeth a dolenni.
Gobeithio y byddwch chi’n mwynhau’r cylchlythyr llawn iawn yma!
Tîm Caru Aber Dyfrdwy
Gwirfoddoli
Mae cymaint o gyfleoedd gwirfoddoli ar draws Aber Afon Dyfrdwy, a dydi pob un ohonyn nhw ddim yn cynnwys baeddu eich dwylo! Edrychwch ar rai opsiynau isod a chysylltu â ni os hoffech chi gael rhagor o wybodaeth.
Os ydych chi’n hoffi sgwrs, eisiau helpu i addysgu’r genhedlaeth nesaf ac yn caru bod yn yr awyr agored, mae’r sefydliadau a’r grwpiau yma i gyd yn cynnig y cyfleoedd hyn:
- Yr RSPB
Mae’r Gymdeithas Frenhinol ar gyfer Gwarchod Adar (RSPB) bob amser yn chwilio am wirfoddolwyr angerddol. Cymerwch ran mewn prosiectau monitro rhywogaethau, creu cynefinoedd, ymgysylltu ac addysg ar y ddwy ochr i Aber Afon Dyfrdwy. Hefyd mae gan yr RSPB grwpiau lleol sydd bob amser yn awyddus i groesawu aelodau newydd, a’r ddau agosaf yw Grŵp Lleol Caer a Grŵp Lleol Penrhyn Cilgwri.
Tudalen Gwirfoddoli’r RSPB | Grŵp Lleol Caer yr RSPB | Grŵp Lleol Penrhyn Cilgwri yr RSPB
- Cyfeillion Ynys Hilbre
Ymunwch â chymuned angerddol o wirfoddolwyr sy’n ymroddedig i warchod ac arddangos harddwch unigryw Ynys Hilbre. Ymunwch â Digwyddiad Gwylio Morloi a Gwylio Adar ar Ddyddiau Agored yr Ynys a dysgu am y morloi a’r adar sy’n galw Aber Dyfrdwy yn gartref. Ewch i dudalen Facebook Cyfeillion Ynys Hilbre i weld sut gallwch chi gymryd rhan.
Facebook Cyfeillion Ynys Hilbre | Gwefan Cyfeillion Ynys Hilbre - Ymddiriedolaeth Natur Swydd Caer
Mae Ymddiriedolaeth Natur Swydd Caer bob amser yn chwilio am bobl angerddol i gynorthwyo eu staff mewn digwyddiadau drwy gydol y flwyddyn ac ar draws Sir Caer gyfan. Ewch i’w tudalen gwirfoddoli am fwy o wybodaeth.
Gwirfoddoli gydag Ymddiriedolaeth Natur Swydd Caer
Os mai cloddio’n gorfforol am bethau, torchi eich llewys ac elwa o gampfa byd natur sy’n mynd â’ch bryd chi, edrychwch ar rai o’r grwpiau yma isod.
- Dyddiau Gwirfoddoli Twyni Tywod Talacre
Treuliwch y diwrnod gyda Cheidwaid Talacre ar amrywiaeth o dasgau ymarferol i gefnogi cadwraeth y cynefin Twyni Tywod arbennig yma.
Dyddiau Gwirfoddoli Cwninger Talacre - Cyfeillion Cymoedd Heswall
Gwirfoddolwch yn y lleoliad hardd yma gyda thasgau amrywiol ar draws y pedwar tymor.
Facebook Cyfeillion Cymoedd Heswall | Gwefan Cyfeillion Cymoedd Heswall - Parc Gwledig Penrhyn Cilgwri
Gwybodaeth am wirfoddoli ym Mharc Gwledig Penrhyn Cilgwri sy’n un o 15 o leoliadau gwahanol y gallwch chi wirfodoli ynddyn nhw gyda’r cyngor ar draws Penrhyn Cilgwri.
Facebook Parc Gwledig Penrhyn Cilgwri | Parciau Cyngor Penrhyn Cilgwri a Gwybodaeth am Wirfoddoli yng Nghefn Gwlad
Mae’r holl grwpiau yma’n gweithio’n ddiflino (gyda chacennau yn danwydd) i gadw ein hardal ni mewn cyflwr perffaith; nid dim ond er budd y cynefin a’r bywyd gwyllt sy’n ei alw’n gartref, ond i bobl ei fwynhau hefyd!
Os ydych chi’n hoffi codi allan ar Aber Afon Dyfrdwy, dyma rai o’r grwpiau a’r sefydliadau i’w dilyn i gael y wybodaeth ddiweddaraf am y digwyddiadau a’r gweithgareddau:
Ymddiriedolaeth y Ddyfrdwy yng Nghymru
Rhwydwaith Amgylcheddol Penrhyn Cilgwri
Grŵp Lleol Caer yr RSPB a Grŵp Lleol Penrhyn Cilgwri yr RSPB
Cefn Gwlad ac Arfordir Sir y Fflint: Parc Treftadaeth Dyffryn Maes-glas a Parc Gwepre
Morglawdd Llanwol Merswy: Beth sydd yn y fantol i fyd natur a’r hinsawdd?
Mae Ymddiriedolaeth Natur Swydd Caer ac Ymddiriedolaeth Natur Swydd Caerhirfryn wedi uno i ymgyrchu yn erbyn Morglawdd arfaethedig Merswy. Mae Aberoedd Merswy a Dyfrdwy wedi’u cysylltu’n agos iawn a bydd yr hyn sy’n digwydd ar afon Merswy yn effeithio ar afon Dyfrdwy, felly rydyn ni’n cynnwys eu gwaith yng nghylchlythyr y mis yma gan fod ganddyn nhw bethau cyffrous ar y gweill i chi gymryd rhan ynddyn nhw. Edrychwch ar wefannau Ymddiriedolaeth Natur Swydd Caer ac Ymddiriedolaeth Natur Swydd Caerhirfryn am fwy o wybodaeth.
Gweminar Ymddiriedolaeth Natur Swydd Caer – Morglawdd Llanwol Merswy: Y Risgiau
Ar ddydd Mercher 7fed Mai, mae Ymddiriedolaeth Natur Swydd Caer yn cynnal gweminar yn edrych ar beth sydd yn y fantol gyda morglawdd llanwol arfaethedig Merswy.
Ychydig iawn o fanylion sydd wedi’u darparu am y morglawdd ond mae cynnig tebyg ar gyfer Afon Hafren yn taflu goleuni ar y risgiau. Drwy edrych ar astudiaethau gwyddonol a chanfyddiadau diweddar comisiwn Llanwol Hafren, byddwn yn cynnig gwybodaeth am beth yw’r goblygiadau i bobl, byd natur a’r hinsawdd.
Bydd y weminar yn ymchwilio i sut mae morgloddiau llanwol yn gweithio, yr effeithiau ar gynefinoedd arfordirol sensitif, newidiadau i risg llifogydd a’r goblygiadau hinsawdd ehangach. Byddwn hefyd yn archwilio rhai o’r technolegau llanwol amgen sydd ar gael.
Lluniau diolch i: Joe Edwards – Filmage, Graham Skinner, American Humane Society, Ymddiriedolaeth y Ddyfrdwy yng Nghymru, CGL Record, Eni UK Ltd a Presthaven Sands.
