Llwybrau arfordirol
Defnyddiwch y map i gynllunio eich taith i Aber Afon Dyfrdwy.
Llwybr Arfordir Cymru
Mae Llwybr Arfordir Cymru yn cael ei reoli gan Gyfoeth Naturiol Cymru ac mae’n cwmpasu arfordir cyfan Cymru.
Mae gwefan Llwybr Arfordir Cymru yn adnodd cynhwysfawr iawn a dylai fod yn brif ffynhonnell wybodaeth i chi wrth i chi gynllunio eich taith o amgylch arfordir Cymru.
Mae’r rhan o amgylch Aber Afon Dyfrdwy yn cynnwys golygfeydd godidog a hanes hynod ddiddorol
Y Burton Marsh Greenway
Mae’r Burton Marsh Greenway, llwybr Asffalt i gyd bron, yn mynd â chi o Shotton, drwy Stad Ddiwydiannol Glannau Dyfrdwy, lle bydd angen i chi fod yn ymwybodol o draffig ar eich llwybr, hyd at Neston, gyda dargyfeiriad posibl i Burton ar y ffordd. Yn Neston gallwch ymuno â’r Wirral Way.
https://www.sustrans.org.uk/find-a-route-on-the-national-cycle-network/burton-marsh-greenway
Y Wirral Way
Mae’r Wirral Way, sy’n 12 milltir o hyd, wedi cael ei greu gan ddefnyddio hen lein reilffordd a oedd yn arfer bod yn rhan o lwybr rheilffordd cylch o amgylch Penrhyn Cilgwri.
Mae’n cael ei gynnal a’i gadw gan Gyngor Penrhyn Cilgwri ac mae’n llwybr llydan, gwastad sydd hefyd yn cynnwys llwybr i geffylau ac mae’n rhan o Lwybr 56 ar y Rhwydwaith Beicio Cenedlaethol.
Gan rychwantu canol Penrhyn Cilgwri ac yn dechrau ger Gorsaf Reilffordd West Kirby ac yn gorffen yng Ngorsaf Reilffordd Hooton, bydd y llwybr hwn yn mynd â chi drwy fannau gwyrdd amrywiol, ar hyd clogwyni arfordirol, dros draethau tywodlyd a thrwy Barc Gwledig Penrhyn Cilgwri.
https://www.wirral.gov.uk/parking-roads-and-travel/public-rights-way/public-rights-way-wirral
Llwybr Arfordir Lloegr Brenin Charles III
Mae Llwybr Arfordir Lloegr Brenin Charles III wedi’i gwblhau gyda’r darn o Benbedw i ffin Cymru yn dathlu ei agoriad ar ddechrau 2025.
Mae Natural England, gan weithio ochr yn ochr â Chynghorau Penrhyn Cilgwri a Gorllewin Swydd Caer a Chaer, wedi gosod arwyddion yn eu lle i dywys ymwelwyr ar hyd y rhan o Lwybr Arfordir Lloegr Brenin Charles III ar ochr Lloegr i Aber Afon Dyfrdwy.
Ewch i’r gwefannau hyn i gael gwybod mwy:
